गिंदी म्याळा मा 'स्टार वार ' याने बैरी दगड़ दुसमनात निकाळणो माध्यम ! (खेल भावना विरुद्ध हैंक पक्ष )

Best  of  Garhwali  Humor , Wits Jokes , गढ़वाली हास्य , व्यंग्य )
-

गिंदी म्याळा मा  'स्टार वार '  याने  बैरी दगड़ दुसमनात निकाळणो माध्यम ! (खेल भावना विरुद्ध हैंक पक्ष ) 

-
 हौंस इ हौंस मा किस्वळि  लगाण   :::   भीष्म कुकरेती   

-

  (चबोड़ चखन्यौ मा मेरी मनशा त रौंदी बल भविष्य जिनां छ्वीं लगौं पण बंचनेरुं मनशा कुछ हौरि रौंदि।  दैनिक 'गढ़वाली ऐना' (1989 ) से लेकि फेसबुक तक पायी बल जब बि मि कै संस्कृति विषयी बात उठांदु  त टिप्पणी उख पर ज्यादा आंदन बनिश्पत जब मि आज मोदी जी तरां सन 2022 की छ्वीं लगौं। 

   अबि सि मीन चार पांच दिन पैल 'गिंदी हिंगोड़ ' पर छ्वीं क्या लगैन कि अब तक चमोली , उत्तरकाशी बिटेन बि Like अर Comments की बरखा हूणी  च।  त मि 'गिंदी '  संबंधी कथगा इ बथ समळण मिसे ग्यों। त ल्या एक हैंक फांकी )

 जन कि मीन पैलि बत्ये याल छौ बल गंगासलाण म डाडामंडी (लंगूर ) , थलनदी (उदयपुर ), देवीखेत (दिख्यत , डबराल स्यूं ) अर कटघर (ढांगू ) मा मकरैणी  दिन चमड़ै हथगिंदी खिले जांद छे अर विद्वान् चक्रधर कंडवाल जीन खोज करिक बताई बल गंगासलाणम व आस पास 122 जगा हौर बि हिंगोड़ व हथगिंदी खिले जांद छै।  आकाशवाणी से यु वृत्तांत प्रसारित हुयुं च। 

कटघर मा उदयपुर वर्सेज ढांगू की गिंदी प्रतियोगिता हूंदी छै। 

   अब जब कटघर की गिंदी याद आली त फिर तो ढांगू का महेंद्र सिंग धोनी अर विराट कोहल्यूं  याद आण जरूरी च याने ढांगू का गिंदी सुपर स्टारों की याद आण जरूरी च।  अब चूंकि मि किताबुं दगड़्या छौ त खेल पत्रकार नि बण्यु सौक बस इतिहासकार बणिक रै ग्यों।  मतबल मि कठघर एकि दैं गिंदी म्याळा दिखणो  ग्यों त द्वी चार गिंदी सुपर स्टारों अलावा कै तैं नि जणदु छौ।  

   जख तलक गिंदी का सुपर स्टारों सवाल छौ यी स्टार राजपूत घराना का ही  हूंद छा।  बामण बाहुल्य क्षेत्र हूणो बाद बि वैल्युएबल स्पोर्ट्समैन जजमान ही हूंद छ।   कछबोळी खाणो प्रतियोगिता हूंदी तो अवश्य ही बामण सुपर स्टार हूंदा किन्तु जखम हथ, खुट अर घुंड हलाणो बात हो त उखम बामण बुज्या बैठ जांद छा।  तुम जरा हॉकी , क्रिक्यट  मा बि दिखल्या त एकाद इ नाम मीलल किन्तु फोकट मा बड़ी बड़ी बात करण वळ अर कुछ नि करण खेल याने कम्युनिष्ट आंदोलन मा अधिसंख्य बामण इ मीलल।  हमर ढांगू म बि गिंदी का सुपर स्टार राजपूत ही हूंद था। शिल्पकार अर बामण दर्शक दीर्घा का सुपर स्टार हूंद छा याने कमेंट करणा उस्ताद । 

    जख तलक म्यार ददा- बुबा पीढ़ी क सवाल च त सौड़ (मल्ला ढांगू ) का जाबांज मर्दों मादे दिवान ददा , भरतु ददा , लूड़ा ददा आदि सुपर स्टार होंद छा अर चुपड़ा मगथ  उदयपुर का सुपर स्टार बि यूंकी जांबाजी की कथा अपण नात्यूं तैं सुणांद छा। 

     हमन जु सुपर स्टार देखि छा ऊँ मादे मीन खुद सौड़म सौड़क सत्तर सिंग ददा , दयालु ददा , लुंगड़ी काका , गुबरा काका , मूसा काका सुपर स्टार छा।  हमर गांवक डक्खु दा , सुदामा दा, बिरजू दा ही गिण्यां -चुण्यां जांबाज छा।  हमर गांवक स्पोर्ट्समैन  केवल रण जी  ट्रॉफी तक सीमित छा याने सौड़ तक।  कटघर याने नेशनल टीम का जांबाज तो सौड़ का सत्तर सिंग ददा , दयालु ददा , लुंगड़ी काका , गुबरा काका , मूसा काका  छा। 

        ढांगू -उदयपुर गिंदी प्रतियोगिता याने कटघर की बात हो अर बिछला ढांगू व तल्ला ढांगू वळुं  बात नि हो तो समजि ल्यावो आज बगैर साउथ अफ्रीका का क्रिकेट खेल की बात।  असली गिंदी सुपर स्टार तो बिछला ढांगू अर तल्ला ढांगू ही पैदा करद छा।  चूंकि मि खेल से इनि बितकुद छौ जन ममता बनर्जी मोदी से बितकदि तो मि तल्ला ढांगू क्या बिछला ढांगू का गिंदी सुपर स्टारों बारा मा इथगा इ जणदु जथगा डीएमके सुप्रीमो करुणानिधि हिंदी वर्णमाला जणदु।  

    मि तैं बस याद च कि ज्वी बि कटघरक गिंदी देखिक आवो वो बिछला ढांगू खरीक का गिंदी मास्टर रतन सिंग , कंठु सिंग , गोपाल सिंग , आनंद सिंग अर खरीक का ही स्टारों का स्टार डुंकर सिंग जी की ही छ्वीं लगांद छा।  डुंकर सींग तै तो आज बि जसपुर वाळ याद करदन , झूट बुलणु हों तो  जसपुर क सोहन लाल मास्टर तैं पूछी ल्यावदी।  

    अच्छा जब बि रग्बी,  हॉकी , फुटबाल याने बॉडी टचिंग गेम की बात ह्वावो तो खिलाड्यूं द्वारा हैंक खिलाड़ी खुट तोड़ू शैली या टैक्टिस की अवश्य ही बात होली।  तो सौड़ मा बि स्टार अपण शत्रुता सेटल करणो मौक़ा का फायदा उठाई ही लींदा छा पण बिंडी ना बस हिंगोड़ की स्टिक से खुट पर चोट करण।  हमर गांवक डक्खु दाक खुट पर एक द्वी दैं चोट स्टार वार मा इ लगि छे।  

 स्टार वार मा चोट द्वी कारणो से लगाए जांद छै एक तो आपस की अनबन अर दुसर होड़ याने कम्पीटीटिव स्पिरिट।  

    कटघरम बल सुपर स्टार वार बड़ी चलदी छै।  खिलाड़ी कबि कबि जुद्ध का जोद्धा  बणिक गुम चोट क्या भयंकर चोट करदा छा। हाथ , लात , मुंड , घुंड हथियार बण जांद छा।   इलै इ अंग्रेजों समय पर कटघर म एक खून माफ़ छौ याने यदि स्टार वार मा  मौत ह्वे जावो तो कत्ल नि मने जांद छौ।  कत्ल तैं खेल मनण अंग्रेजों से सिखणो आज बि जरूरत च। 

    कटघरौ बारा म सूण  छौ बल  स्टार सुपर स्टार याने हाथ पैर तोड़ू स्टार उनि नि बौण सकुद छौ। स्टार सुपर स्टार याने घातक स्टार तबि बणदु छौ जब परोठी भरिक दारु नि घटकै द्यावो।  सूण  छौ बल दारु स्टार खिलाड़ी पर किलिंग इंस्टिंक्ट लै आंद छौ।  पता नी या दारु विरोध्युं साजिस च या असलियत च।  पता नी।  

    

    

कृपया -अपण तरफांक गिंदी स्टारुं  सूचना देकि यीं लिस्ट तैं लम्बी करणम हथ बंटाओ। 

6/1 / 2018, Copyright@ Bhishma Kukreti , Mumbai India ,

*लेख की   घटनाएँ ,  स्थान व नाम काल्पनिक हैं । लेख में  कथाएँ , चरित्र , स्थान केवल हौंस , हौंसारथ , खिकताट , व्यंग्य रचने  हेतु उपयोग किये गए हैं।

-

    ----- आप  छन  सम्पन गढ़वाली ----
-
 Best of Garhwali Humor Literature in Garhwali Language , Jokes  ; Best of Himalayan Satire in Garhwali Language Literature , Jokes  ; Best of  Uttarakhand Wit in Garhwali Language Literature , Jokes  ; Best of  North Indian Spoof in Garhwali Language Literature ; Best of  Regional Language Lampoon in Garhwali Language  Literature , Jokes  ; Best of  Ridicule in Garhwali Language Literature , Jokes  ; Best of  Mockery in Garhwali Language Literature  , Jokes    ; Best of  Send-up in Garhwali Language Literature  ; Best of  Disdain in Garhwali Language Literature  , Jokes  ; Best of  Hilarity in Garhwali Language Literature , Jokes  ; Best of  Cheerfulness in Garhwali Language  Literature   ;  Best of Garhwali Humor in Garhwali Language Literature  from Pauri Garhwal , Jokes  ; Best of Himalayan Satire Literature in Garhwali Language from Rudraprayag Garhwal  ; Best of Uttarakhand Wit in Garhwali Language from Chamoli Garhwal  ; Best of North Indian Spoof in Garhwali Language from Tehri Garhwal  ; Best of Regional Language Lampoon in Garhwali Language from Uttarkashi Garhwal  ; Best of Ridicule in Garhwali Language from Bhabhar Garhwal   ;  Best of Mockery  in Garhwali Language from Lansdowne Garhwal  ; Best of Hilarity in Garhwali Language from Kotdwara Garhwal   ; Best of Cheerfulness in Garhwali Language from Haridwar    ;गढ़वाली हास्य -व्यंग्य ,  जसपुर से गढ़वाली हास्य व्यंग्य ; जसपुर से गढ़वाली हास्य व्यंग्य ; ढांगू से गढ़वाली हास्य व्यंग्य ; पौड़ी गढ़वाल से गढ़वाली हास्य व्यंग्य ;
Garhwali Vyangya, Jokes  ; Garhwali Hasya , Jokes ;  Garhwali skits , Jokes  ; Garhwali short Skits, Jokes , Garhwali Comedy Skits , Jokes , Humorous Skits in Garhwali , Jokes, Wit Garhwali Skits , Jokes