धिक्कार ! कॉंग्रेसी मोदी के बहाने नेहरू, नरसिम्हा राव और मनमोहन को दे बैठे गाली

(Best  of  Garhwali  Humor , Wits Jokes , गढ़वाली हास्य , व्यंग्य )
-
 चबोड़ , चखन्यौ , ककड़ाट  :::   भीष्म कुकरेती    
-

 हिंदूवादी ताकतों मथिन चड़न से कथगा इ उथल पुथल हूणु च। खाज खुजली , बदबूदार, एकछत्र  परिवारवाद का प्रतीक कॉंग्रेस अर रूसि  -चीनी डिक्टेटरवाद का  गुलाम कम्युनिस्ट त एक थाळीम खाणो खाण मिसे गेन।  जौंक जनम कॉंग्रेस निबटाणो ह्वे छौ वु मुल्ला मुलयम सिंग  अर मिंया लालू यादव अब कॉंग्रेसक पिटा-ल्युटिक भै बंध ह्वे गेन।  

    हिन्दूवाद की ऊंचाइयों से प्रजातंत्र को कैंसर,  परिवारवाद की सड़ांध सौराण वळि कॉंग्रेसक समज मा इ नि आणु बल विरोध मा रैक 'नीच ' , मोदी की बोटी बोटी कर देंगे ' जन अभद्र शब्द भला छन  या नई तकनीक तै गाळी दीण। 

   युद्ध या मार्केटिंग मा जीत या न्यूज बणनो सबसे बड़ो कामयाब हथियार च ' शत्रु 'पक्ष  तै आश्चर्य मा डाळो।  महाभारत म भौत दैं खौंळेण वळ कृत से शत्रु पक्ष तै हराये गै छौ।  सिकंदरन भारतीयों तै अपण नै स्टाइल से खौंळै छौ अर युद्ध जीत छौ।  ब्याळि , अमदाबाद मा गुजरात विधान सभा चुनाव प्रचार का आखरी दिन छौ।  इन बुले जांद बल प्रधानमंत्री जी तै अमदाबाद मा रोड शो की इजाजत नि मील तो मोदी जीन एक बिलकुल नया तरीका से सरा भारतवर्ष तै आश्चर्यचकित कौर दे।  मोदी जी सीप्लेन से साबरमती नदी से धरोई डाम का रास्ता अम्बा जी मंदिर पौंछिन अर मोदी जीन कॉंग्रेस तो  छवाड़ो भाजपा तै बि आश्चर्यम डाळि दे।  तरुप की या चाल चुनावी युद्ध मा इतिहास बण गे। 

 मार्केटिंग संसार मा मोदी जी द्वारा सीप्लेन उड़ान फ्लैंकिंग मार्केटिंग युद्ध का एक उदाहरण हमेशा उद्घृत होलु। 

  यु फिर से सिद्ध ह्वे गे बल मोदी जी तकनीक का गुलाम ना अपितु तकनीक तै गुलाम बणान म विश्वास करदन। टेक्नोलॉजी प्रेमी मोदी जीन यी कारनामा 2002 चुनाव मा बि कौर छौ जब भाजपान गुजरात विधानसभा चुनाव मा SMS का भौत बड़ो फायदा उठाई , खासकर भाजपा वार्ड कार्यकर्ताओं तै वोटर्स तै  वोट दीणो वास्ता लिजाणम SMS को प्रयोग भौत सफल रै।  अफवा फैलाणो बान बि SMS को प्रयोग ह्वे। सोसल मीडिया को प्रयोग से मोदी जी अंतर्राष्ट्रीय पटल पर प्रधान मंत्री बणन से पैली प्रसिद्ध ह्वे गे छा।  लोकसभा चुनावों ही ना बाद मा बि टेक्नोलॉजी को प्रयोग भाजपा को बड़ो हथियार राय।  भारत म वीडिओ कॉनफेरेन्स से पचासों जगा जनसभा तै सम्बोधित करण भी मोदी जीकी देन  च। 

  सभी प्राइवेट कम्पनी वीडिओ कॉनफेरेन्स का बारा मा जणदा छा किन्तु अधिसंख्य प्रयोग नि करदा चा खासकर छुटि कम्पनी या मायोपिक मैनेजर।  किन्तु 2014 का चुनाव वाद मोदी जी प्रेरणा लेकि अब छुटि कम्पनी का सेल्स वळ वीडिओ कॉनफेरेन्स करणा छन।  बड़ आदिमक कृत समाज तै प्रेरित करदी।  उनि मोदी जी की प्रेरणा से सेल्स वळ भौत सा टेक्नोलॉजिकल प्रयोग करण लग गेन।  

   पर जब ब्याळि मोदी जी सीप्लेन से साबरमती नदी से अम्बा जी मंदिर पौन्छिन तो परिवारवाद से हुईं अंधी , काणी , गूंगी कॉंग्रेस अर सहयोगी पार्टी मोदी की सीप्लेन यात्रा तैं इ गाळी दीण मिसे गेन।  तकनीक तैं गाळी दीणो अर्थ हूंद बेशरम ह्वेक विरोधी रणनीति से हार मनण। 

     कॉंग्रेस सीप्लेन की आलोचना करद बिसर गे कि बैलगाड़ी छोड़िक मोटर ,रेल अर हवाई जाज की पैरवी तो नेहरू जीन ही कौरी  छे।  भावी तकनीक लाभ प्रदर्शन जथगा नेहरू जी का समौ पर ह्वे ह्वाला उथगा प्रदर्शन कै बि प्रधान मंत्री काल  मा नि ह्वे ह्वाल।  क्या नेहरू जीन भाखड़ा नांगल डाम कु मॉडल प्रदर्शन नि कौर ह्वाल ? क्या नेहरू जीन स्टील फ़ैक्ट्रियुं मॉडल प्रदर्शन नि कौर ह्वाल ? अवश्य कौर ह्वाल।  नेहरू जी भविष्यदृष्टा छा त टेक्नोलॉजी प्रदर्शन अवश्य करदा रै होला।  परिवार वाद का फोड़ा से ग्रसित कॉंग्रेस जब सीप्लेन राइड का कारण मोदी जी तै गाळी दीणि छै तो कुछ ना बेवकूफी मा नेहरू जी तै गाळी दीणी छै।  अपण ब्वे बाबु तै गाळी दीण सिखण ह्वाओ त बेशरम कॉंग्रेस से सीखो।  तकनीक प्रयोग तै गाळी दीण याने टेक्नोलॉजी प्रतीक नेहरू जी तै गाळी दीण। 

    नेहरू जीन तकनीक प्रयोग सिखाई तो नरसिम्हा राव जी अर मनमोहन सिंह जीन भारवासियों तैं तकनीक से लाभ उठाणो, लाभ कमाणो प्रेरणा दे।  जब जब तकनीक तै गाळी दिए जाली तब तब या गाळी भूतपूर्व प्रधान मंत्री द्वय नरसिम्हा राव जी अर मनमोहन  सिंह जी तैं ही दिए जाली। 

   फिर कॉंग्रेस का ही राज मा 2010 म सीप्लेन की उड़ान अंडमान निकोबार द्वीप समूह मा भरे गे छै।  सीप्लेन ट्रांसपोर्ट का वास्ता UPA  सरकारन जलहंस संस्थान की स्थापना कौर छै।  अर जब प्रजातंत्र पर कैंसर याने परिवारवाद पूजक कॉंग्रेस मोदी जी की आलोचना करणी छे तो वास्तव मा अंधी कॉंग्रेस मनमोहन सिंह जी तै गाळी दीणि छे।  वाह  रे अंधी , अज्ञानी , पप्पू की पार्टी ! 

    राजनीति मा आरोप , प्रत्यारोप आवश्यक च , परिवारवादी कॉंग्रेस तै बि आलोचना कु पूरा अधिकार च।  किन्तु परिवारवाद पोषक पार्टी तै सुचण चयेंद कि आलोचना से तुम भारतवासियों तै गलत संदेस दीणा छा , सीप्लेन सरीखा तकनीक की भर्तसना कौरिक डाइनेस्टी ग्रसित कॉंग्रेसन संदेस दे कि नेहरू जी , नरसिम्हा राव जी अर मनमोहन जी ही ना अपितु तकनीक से भी घृणा कारो।  

  बंद कारो इन बकबास जां से लोग तकनीक से दूर ह्वावन।  

 

 -

13/12 / 2017, Copyright@ Bhishma Kukreti , Mumbai India

*लेख की   घटनाएँ ,  स्थान व नाम काल्पनिक हैं । लेख में  कथाएँ , चरित्र , स्थान केवल हौंस , हौंसारथ , खिकताट , व्यंग्य रचने  हेतु उपयोग किये गए हैं।

-

    ----- आप  छन  सम्पन गढ़वाली ----
-
 Best of Garhwali Humor Literature in Garhwali Language , Jokes  ; Best of Himalayan Satire in Garhwali Language Literature , Jokes  ; Best of  Uttarakhand Wit in Garhwali Language Literature , Jokes  ; Best of  North Indian Spoof in Garhwali Language Literature ; Best of  Regional Language Lampoon in Garhwali Language  Literature , Jokes  ; Best of  Ridicule in Garhwali Language Literature , Jokes  ; Best of  Mockery in Garhwali Language Literature  , Jokes    ; Best of  Send-up in Garhwali Language Literature  ; Best of  Disdain in Garhwali Language Literature  , Jokes  ; Best of  Hilarity in Garhwali Language Literature , Jokes  ; Best of  Cheerfulness in Garhwali Language  Literature   ;  Best of Garhwali Humor in Garhwali Language Literature  from Pauri Garhwal , Jokes  ; Best of Himalayan Satire Literature in Garhwali Language from Rudraprayag Garhwal  ; Best of Uttarakhand Wit in Garhwali Language from Chamoli Garhwal  ; Best of North Indian Spoof in Garhwali Language from Tehri Garhwal  ; Best of Regional Language Lampoon in Garhwali Language from Uttarkashi Garhwal  ; Best of Ridicule in Garhwali Language from Bhabhar Garhwal   ;  Best of Mockery  in Garhwali Language from Lansdowne Garhwal  ; Best of Hilarity in Garhwali Language from Kotdwara Garhwal   ; Best of Cheerfulness in Garhwali Language from Haridwar    ;गढ़वाली हास्य -व्यंग्य ,  जसपुर से गढ़वाली हास्य व्यंग्य ; जसपुर से गढ़वाली हास्य व्यंग्य ; ढांगू से गढ़वाली हास्य व्यंग्य ; पौड़ी गढ़वाल से गढ़वाली हास्य व्यंग्य ;
Garhwali Vyangya, Jokes  ; Garhwali Hasya , Jokes ;  Garhwali skits , Jokes  ; Garhwali short Skits, Jokes , Garhwali Comedy Skits , Jokes , Humorous Skits in Garhwali , Jokes, Wit Garhwali Skits , Jokes