जिंदगी कु माउस विंडो मा हैंग हुयूं च , कट पेस्ट से नकली फ्रेंड असली हुयूं च !

(Best  of  Garhwali  Humor , Wits Jokes , गढ़वाली हास्य , व्यंग्य )
-
 चबोड़ , चखन्यौ , ककड़ाट  :::   भीष्म कुकरेती    

 पता नी उमरौ  वजै च , जनरेसन गैप्याण च या कुज्याण क्या च पर मी पर सचेकि कनफ्यूजाण सौरीं च भै।  

   जिंदगी कम्प्यूटर कु माउस ह्वे गे।  चलाणु क्वी हौर च पर भगार माउस पर आंद। 

कनफ्यूजाण त इथगा हूणी च बल  शट विंडो इ ठीक लगणी च। 

 वैदिन रिस्ता मा जंवै गिरीश पोखरियाळ जीन फेसबुक मेसेज  मा वीडिओ भ्याज अर मीन उत्तर दे दे बल 'सफरिंग बाइ वाइरस  सो कांट ओपन' । 

उथगा देर मा जल्ठक नरेश उनियालक बि मेसेज बॉक्स मा वीडिओ देखिक उत्तर भ्याज बल 'सफरिंग बाइ वाइरस  सो कांट ओपन '। 

  थ्वड़ा देरम देहरादून , श्रीनगर , दिल्ली बिटेन घरवळि दीदयुं  फोन पर फोन घरवळि कुण आण शुरू ह्वे गेन।  सब घरवळि तै पूछणा बल म्यार बुखार अब कन च।  मि सिगरेट लीणो तौळ जयूँ छौ तो घरवळि बतै इ नि सकणी छे कि म्यार बुखार कन च।  सौब रिस्तेदार घरवळि तैं डांटणा छया कि " कन वाइफ छे जु इथगा बुखार मा बि बिचारो जंवैं तैं भैर भिजणी छे ?". 

   मि सिगरेट लेक औं त घरवळि , द्वीइ  नौन , द्वीइ  ब्वारी अर नातण ड्राइंग रूम मा गमगीन खड़ हुयां छा। 

  बड़ नौनन झिड़की दे ," डैड इट इज रिडिकुलस ! तुम तै इथगा जादा बुखार च अर हम तै बताणो जगा पोखरियाल जीजा को फोन कर रहे हो कि आप बुखार से तप रहे हो। "

 मेरी समज मा कुछ नि आयी अर सब पुछण लग गेन बल अब बुखार कन च।  कुछ देर तक त मै बि लग कि मि तै अछेकि बुखार च। फिर जरा कनफ्युजाणो बुखार उतर त मीन पोखरियाल जी कुण फोन घुमाई कि भै ससुर छौं मि तुमर। अर ससुर जीक दगड़ मजाक करदो क्वी ? 

   पोखरियाल जी से बातचीत से पता चौल कि वूंन 'सफरिंग बाइ वाइरस  सो कांट ओपन' तै समज कि मि वाइरल फीवर से सफर करणु छौं अर ऊँन सब रिस्तेदारी मा खबर वाइरल कर दे कि मौस्या ससुर जी इज सफरिंग फ्रॉम वायरल फीवर।  जब कि म्यार मतलब छौ कि म्यार कम्प्यूटर मा वाइरस घुसी गे तो मि वीडिओ क्लिप ओपन नि कौर सकुद। 

    इना पोखरियाल प्रकरण कु बुखार ठीक ह्वे तो नरेश उनियाल कु बुखार शुरू ह्वे गे। 

    म्यार व्हट्सप्प पर साहित्यिक मित्रुं मैसेज पर मैसेज आण लग गेन - Bhishm ji ! Get well soon ! . कुछ साहित्यकार मित्रुंन म्यार स्वास्थ्य लाभ पर चार लैन की कविता बि व्हट्सएप्प मा भिजण शुरू कर दे।  एकाक शीर्षक छौ - नेगी जी ! घन्ना भाई और अब की बार भीषम भाई ! 

 फेसबुक मा बि Bhishm ji ! Get well soon ! का मैसेज शुरू ह्वे गे छा।  

    गीतेश नेगीक त फोन इ ऐ गे कि मेरी तब्यत कन च। बातचीत से पता चौल कि नरेश उमियालन फेसबुक अर व्हट्सप्प मा मैसेज डाळि दे कि भीषम जी भयंकर वाइरल बुखार से पीड़ित छन।  अर साहित्यकारों मा कट पेस्ट का Bhishm ji ! Get well soon ! का मैसेज फेसबुक अर व्हट्सप्प पर वाइरल हूण शुरू ह्वे गे। 

  द्वी दिन तक साहित्यकार मित्र कट पेस्ट से फेसबुक अर व्हट्सप्प मा शुभकामना भिजणा रैन किन्तु गीतेश छोड़ि कैक बि फोन नि आयी।  इख तक कि जौंकुण मि मैना मा द्वी फोन जरूर करदो ऊंको बि फोन नि ऐ।  

   अफ़सोस ! साहित्यकार मित्र बि केवल वर्चुवल फ्रेंड ह्वे गेन अर असल जिंदगी कॉपी  पेस्ट से नकली जिंदगी ह्वे गे। 

  

 -

7 /10  / 2017, Copyright@ Bhishma Kukreti , Mumbai India

*लेख की   घटनाएँ ,  स्थान व नाम काल्पनिक हैं । लेख में  कथाएँ , चरित्र , स्थान केवल हौंस , हौंसारथ , खिकताट , व्यंग्य रचने  हेतु उपयोग किये गए हैं।
-
 Best of Garhwali Humor Literature in Garhwali Language , Jokes  ; Best of Himalayan Satire in Garhwali Language Literature , Jokes  ; Best of  Uttarakhand Wit in Garhwali Language Literature , Jokes  ; Best of  North Indian Spoof in Garhwali Language Literature ; Best of  Regional Language Lampoon in Garhwali Language  Literature , Jokes  ; Best of  Ridicule in Garhwali Language Literature , Jokes  ; Best of  Mockery in Garhwali Language Literature  , Jokes    ; Best of  Send-up in Garhwali Language Literature  ; Best of  Disdain in Garhwali Language Literature  , Jokes  ; Best of  Hilarity in Garhwali Language Literature , Jokes  ; Best of  Cheerfulness in Garhwali Language  Literature   ;  Best of Garhwali Humor in Garhwali Language Literature  from Pauri Garhwal , Jokes  ; Best of Himalayan Satire Literature in Garhwali Language from Rudraprayag Garhwal  ; Best of Uttarakhand Wit in Garhwali Language from Chamoli Garhwal  ; Best of North Indian Spoof in Garhwali Language from Tehri Garhwal  ; Best of Regional Language Lampoon in Garhwali Language from Uttarkashi Garhwal  ; Best of Ridicule in Garhwali Language from Bhabhar Garhwal   ;  Best of Mockery  in Garhwali Language from Lansdowne Garhwal  ; Best of Hilarity in Garhwali Language from Kotdwara Garhwal   ; Best of Cheerfulness in Garhwali Language from Haridwar    ;गढ़वाली हास्य -व्यंग्य ,  जसपुर से गढ़वाली हास्य व्यंग्य ; जसपुर से गढ़वाली हास्य व्यंग्य ; ढांगू से गढ़वाली हास्य व्यंग्य ; पौड़ी गढ़वाल से गढ़वाली हास्य व्यंग्य ;
Garhwali Vyangya, Jokes  ; Garhwali Hasya , Jokes ;  Garhwali skits , Jokes  ; Garhwali short Skits, Jokes , Garhwali Comedy Skits , Jokes , Humorous Skits in Garhwali , Jokes, Wit Garhwali Skits , Jokes