शीर्षक खचांग लगाण वळ , तपन दीण वळ अर खबर बणन लैक हूण चयेंद

 इंटरनेट का पाठकुंक  मिजाज अर गढ़वळि साहित्यकार -2 

                              फोकट की सलाह - भीष्म कुकरेती 

 

  गढ़वळि साहित्यकारुं तै एक बात लेखी लीण चयेंद कि आम गढ़वळि मनिख /मनख्याणी गढ़वळि नि पढ़न चाँद किलैकि गढ़वळि पढ़न मा औसंद आदि , नना  ददा याद ऐ जांदन। 

  तो इंटरनेट मा पाठक आपक साहित्य बांचो तो  इ जरूरी च कि आपका शीर्षक मा आकर्षण हो।  कुछ सलाह या च -

१- शीर्षक कै बि चीज /विचार तै विभाजित करणो सूचना दिंदेर हूण चयेंद।  अमर नियम विभाजित कारो अर राज कारो। 

२- शीर्षक झसका , चसका अर ढसका लगंदेर हूण चयेंद 

३- शीर्षक समाचार बणन लैक हूण चयेंद 

४- शीर्षक अलग संस्कृति बणाण वळ सूचक हूण चयेंद 

५- शीर्षक माँ संख्या हो तो भौत बढ़िया 

६- शीर्षक माँ आकर्षक विशेषण हूणी चयेंद 

७- कृपया कबि बि शीर्षक माँ चीजुं विषय  नि द्यावो अपितु  विचार , कारण ,सूत्र , रस्ता , तरीका , गुटप , राज , आदि हूण चयेंद 

८- शीर्षक माँ क्या , उद्देश्य , किलै , कैकु,  कैकुण , कथगा आदि आण चयेंद 

९- शीर्षक माँ प्रतिज्ञा, करार , वादा , संभावना आण चएंदी 

जरा बताओ तो सही कि क्या कबि आपन शीर्षक खुज्यांद दै मथ्याक बथुं पर बि ध्यान दे ?