मैदानुं माँ रैकि पहाडुं की कल्पना हूणि छन

भग्यान विनोद उनियाल (अमाल्डु , डबरालस्यूं , पौड़ी गढ़वाल ) 

अन्नु  दा कि 

फटीं कुर्ति 

फटीं सुलरि 

समाज -वादै खोज मा 

पहाड़ छोड़ीइ 

मैदानु मा ऐ ग्ये 

वे कि 

फटीं टुपलि 

बदले ग्ये खादिकि 

सफेद टोपी मा 

कुर्ति 

अर सुलरि -चम्म सुलार 

बृजु दा अब 

पक्को बगुला भगत
अनिल उदयपुरी बण्यू च 

मैदानु , दिल्ली मा रैकि 

पहाडुं की कल्पना हूणि च 

ऊंचि  ऊंचि डाँड्यूं मा 

कागजी कुँआ ख्वदेणा छन 

अर 

तब ब्याखान दियेणा छन 

ऊँ हौरि अन्नुऊँ  तैं 

जौंका गात पर 

फटीं कुर्ति बि नी च 

भुलौं टक लगै सुणों 

समाजवाद , विकास सुदी नि आंदो 

यां का बाना 

खांण प्वड़दन 

खैरि -सुसगरि 

ख्यलण प्वड़दन कतनै खंड 

बदलण प्वड़दन -दल का दल 

मिथै इ देखल्यावदि 

 

Satirical Garhwali Poem; Satirical Garhwali verse; Satirical Garhwali rhyme; Satirical Garhwali ode; Satirical Garhwali sonnet; Satirical Garhwali limerick; Satirical Garhwali elegy; Satirical Garhwali Song