हमर होटलम घी बिलकुल मुफ्त मिल्दु ! फ्री घी देने वाला पहला होटल

Best  Harmless Garhwali Humor on Freebees by Government   , Garhwali Comedy Skitson Freebees by Government , Satire on Freebees by Government , Wit, Sarcasm on Freebees by Government , Garhwali Skits  on Freebees by Government , Garhwali Vyangya , Garhwali Hasya on Freebees by Government 

              हमर होटलम घी बिलकुल मुफ्त मिल्दु ! फ्री घी देने वाला पहला होटल 

                      ( भुंदरा बोडि का संस्मरण  )

              चबोड़्या अधकचु  अर्थशास्त्री  ::: भीष्म कुकरेती 

भुंदरा बोडि -अहा क्या जमानो ऐ गे हैं ! दस दस मील दूर तक ये " होटल फॉर कॉमन मैन  "  वाळन विज्ञापन कर्याँ छन - हमर होटलम घी मुफ्त मिल्दो , बिहार में फ्री घी वाला पहला होटल -" होटल फॉर कॉमन मैन  " ; आईये खाना खाइये और फ्री घी का मजा भी लीजिये ! 

दगड़ वळ -हाँ भुंदरा बोडि ! इन विज्ञापन मीन दिल्ली मा बि नि द्याख।  बस बिहार मा इ इन विज्ञापन द्याख -हमर होटलम घी मुफ्त मिल्दो , बिहार में फ्री घी वाला पहला होटल -" होटल फॉर कॉमन मैन  " ; आईये खाना खाइये और फ्री घी का मजा भी लीजिये !

बैरा /वेटर -जी ब्यालो क्या खाण ?

भुंदरा बोडि -अरे पैल पंखा चलादि , पाणि लादि ! 

बैरा /वेटर -जी पंखा तो चलै दींदु पर लोड शेडिंग कु बगत च त पंखा बंद च। 

भुंदरा बोडि -त पाणि लादी। 

बैरा /वेटर -जी मिनरल वाटर कि सादा पाणि ?

भुंदरा बोडि -सादा पाणि 

बैरा /वेटर -एक रुपया गिलास पोड़ल। 

भुंदरा बोडि -हैं साधारण पाणिक पैसा ?

बैरा /वेटर -जी हाँ। 

भुंदरा बोडि -त रण दि हम घी से काम चलै द्योला। 

बैरा /वेटर -जी खाणक ऑडर द्याओ। 

भुंदरा बोडि -हरेक खाणकम घ्यू फ्री च ना ?

बैरा /वेटर -हाँ घी फ्री च।  सौ रुपया तक एक छुटि कट्वरि , द्वी सौ रुपया तकक खाणक पर तीन छुटि कट्वरि फ्री अर फिर इनि जन जन ज्यादा खैल्या घी की मात्रा बढ़दी जालि। 

भुंदरा बोडि - अच्छा सूण ! हमन तकरीबन द्वी सौ रुपया तक खाणक खाण तो तीन कट्वरि फ्री घी लये हाँ। 

बैरा /वेटर -भौत बढ़िया ! ये अरविन्द ! ममी जी के लिए तीन कटोरी घी भेज दियो। 

भुंदरा बोडि - अच्छा चल इन कौर एक गिलास साधारण पाणि बि लये हाँ। 

बैरा /वेटर -एक गिलास सादा पाणि दगड़ एक चमच्च घी फ्री च। 

भुंदरा बोडि -त द्वी गिलास सादा पाणी लये। 

बैरा /वेटर -जी खाणक मा प्याज बि खैल्या ?

भुंदरा बोडि -या बि पूछणै बात च ? 

बैरा /वेटर -जी पुछण जरूरी च। 

भुंदरा बोडि -अरे हर जगा प्याजै जखेली तो खाणकौ दगड़ फ्री मिल्दो इ च। 

बैरा /वेटर -जी ना ! हमर होटलम प्याज पर दाणी द्वी रुपया मिल्द।  हम प्याज फ्री नि दींदा। 

भुंदरा बोडि -ठीक च तो एक प्याजै दाणी काटिक लये।

बैरा /वेटर -जी हम अपण ग्राहकों से प्याज काटणो पैसा नि लींदा।  उल्टां एक प्याज पर अधा चमच घी फ्री दींदा। 

भुंदरा बोडि -बड़ो घियाळ होटल च भै। 

बैरा /वेटर -जी देस मा इन होटल पैलो जि च। 

भुंदरा बोडि -अर हां अचार जरा बिंडी सि लै हाँ !

बैरा /वेटर -जी हमर एक अचार फ्री नि मिल्दु। 

भुंदरा बोडि -अरे यी क्या कांड लग्यां छन ?

बैरा /वेटर -जी कांड त कखि नीन ये होटलम। 

भुंदरा बोडि -तुमन घी फ्री कर दे अर ऊ सब चीज  पैसा मा बिचणा छंवां जू पैल फ्री मिल्दो छौ। 

बैरा /वेटर -आप तो बुजर्ग छन तो आपन कहावत तो सूणी होली कि यीं दुनिया माँ कुछ बि चीज फ्री नी च। 

भुंदरा बोडि -क्या मतबल ?

बैरा /वेटर -जी पाणि , प्याज , अचार हम बि फ्री दींदा छा।  जब बिटेन हमन फ्री घीकी स्कीम चलाइ तब बिटेन पाणि , प्याज , अचार का पैसा लीण शुरू कर दे। 

भुंदरा बोडि -त्यार मतबल च कि -त्यार मतबल च कि.. 

बैरा /वेटर -हाँ हाँ ब्वालो !

भुंदरा बोडि -जु हम तैं दिल्ली मा बिजली -पाणी मुफ्त मा मिलणु च वु कैं हैंक स्कीम मादे काटिक ही मीलल ?

बैरा /वेटर -हाँ बिलकुल किलैकि यीं दुनिया मा फ्री कुछ नी च। 

भुंदरा बोडि -अर जु भाजपा सरकारन सबि लोगुं कुण इन्स्युरेंस फ्री कार वू बि फ्री नी च ?

बैरा /वेटर -नही वांकुण बि सरकारन सर्विस टैक्स बढ़ै त याल।  एक तरफ इन्स्युरेंस फ्री तो दुसर तरफ ढाइ टका सर्विस चार्ज मा बढ़ोतरी। 

भुंदरा बोडि -यी त इनि ह्वे गे जन कुत्ता हड्डी चबांद अर वैको खून बगद अर कुत्ता सुचद कि हड्डी से खून आणु च। 

बैरा /वेटर - जी प्रजातंत्र मा कुत्ता छाप अर्थशास्त्र इ त चलद तबि त केजरीवाल दिल्ली को चुनाव जीत ! 

3/3/15 ,Copyright@ Bhishma Kukreti , Mumbai India 

*लेख की   घटनाएँ ,  स्थान व नाम काल्पनिक हैं । लेख में  कथाएँ , चरित्र , स्थान केवल व्यंग्य रचने  हेतु उपयोग किये गए हैं।

 Best of Garhwali Humor in Garhwali Language on Freebees by Government ; Best of Himalayan Satire in Garhwali Language on Freebees by Government ; Best of  Uttarakhandi Wit in Garhwali Language on Freebees by Government ;  Best of  North Indian Spoof in Garhwali Languageon Freebees by Government  ; Best of  Regional Language Lampoon in Garhwali Language on Freebees by Government; Best of  Ridicule in Garhwali Language  on Freebees by Government ; Best of  Mockery in Garhwali Language  on Freebees by Government ; Best of  Send-up in Garhwali Language on Freebees by Government ; Best of  Disdain in Garhwali Language on Freebees by Government ; Best of  Hilarity in Garhwali Language  on Freebees by Government ; Best of  Cheerfulness in Garhwali Language  on Freebees by Government ;  Best of Garhwali Humor in Garhwali Language from Pauri Garhwal  on Freebees by Government ; Best of Himalayan Satire in Garhwali Language from Rudraprayag Garhwal  ; Best of Uttarakhandi Wit in Garhwali Language from Chamoli Garhwal  on Freebees by Government ; Best of North Indian Spoof in Garhwali Language from Tehri Garhwal on Freebees by Government ; Best of Regional Language Lampoon in Garhwali Language from Uttarkashi Garhwal  on Freebees by Government; Best of Ridicule in Garhwali Language from Bhabhar Garhwal on Freebees by Government ; Best of Mockery  in Garhwali Language from Lansdowne Garhwal  on Freebees by Government ; Best of Hilarity in Garhwali Language from Kotdwara Garhwal  on Freebees by Government ; Best of Cheerfulness in Garhwali Language from Haridwar on Freebees by Government ;

Garhwali Vyangya , Garhwali Hasya,  Garhwali skits; Garhwali short skits, Garhwali Comedy Skits, Humorous Skits in Garhwali, Wit Garhwali Skits