भाजपा हौर्स ट्रेडिंग ना डंकी ट्रेडिंग करदी !

खरोऴया : भीष्म कुकरेती 

ब्याळि   ( 8 /9/ 2014    )केजरीवालन भाजपा का दिल्ली उपाध्यक्ष कु स्टिंग ऑपरेसन दिखाइ जैमा उपाध्यक्ष शेर सिंग जी आप पार्टी का MLA तैं चार करोड़ दीणै बात करणु छौ। 

भाजपा का सबि अधिकार्युंन साफ़ बोलि दे बल ये मामला मा हम कै बि पत्रकार से  कुछ बि बात नि करणाइ।  

झूठिस्तान का स्वयंभू पत्रकारन एक भाजपा का भोंपू याने प्रवक्ता तैं पकड़ि दे। 

भाजपा का भोंपून बोली - मिन  पत्रकारुं से बात नि करण 

झूठिस्तान का पत्रकार - मि झूठिस्तान का पत्रकार छौं भै !

भाजपा अधिकारी - हाँ फिर ठीक च।  तुम  त अपण सगा संबंधी छंवां तो तुम से बात नि करण त कैक दगड़ करण।
झूठिस्तान का पत्रकार - जी ! यी केजरीवालन इल्जाम लगाई कि  भाजपा का लोग आम आदमी पार्टी का विधयकों तैं खरीदणा छन। 

भाजपा अधिकारी - केजरीवाल जीक असली नाम  इल्जामवाळ  च तो नई बात क्या च ?
झूठिस्तान का पत्रकार - नई बात या च कि इल्जाम वाळ जीन वीडिओ टेप मा दिखाई की आपका उपध्यक्ष आम आदमी पार्टीक MLA तैं 4 करोड़ रुपया ऑफर करणा छन। 

भाजपा अधिकारी -अजी उ भाजपा का नेता ह्वैइ नि सकुद।  हम पार्टी विद डिफरेंस छंवां। 
झूठिस्तान का पत्रकार -पर वीडिओ टेप मा साफ़ दिख्याणु च कि शेर सिंग डागर घूस दीणो ऑफर करणु च। 

भाजपा अधिकारी -अजी हमर पार्टी पार्टी विद डिफ़रेंस की पार्टी च.
झूठिस्तान का पत्रकार -क्या मतबल ?

भाजपा अधिकारी -मतबल या च हमर इक घूस खाण अर घूस दीण स्वीकार्य च किन्तु पकड्याण गुनाह च। 
झूठिस्तान का पत्रकार -तो शेर सिंग डागर आपकी पार्टी कु नी च। 

भाजपा अधिकारी -इन जयूँ बित्युं, असावधान  नेता तैं हम अपण कार्यकर्ता मनण से इ इनकार करदां जी।  जै तैं घूस दीणै तमीज नि ह्वावु वैक भाजपा मा क्या काम ?
झूठिस्तान का पत्रकार -पर शेर सिंग डागर तो आपका प्रदेश उपाध्यक्ष छन। 

भाजपा अधिकारी -नही ! जैमा घूस दीणै तमीज नि हो उ हमर सदस्य ही नी ह्वे सकुद । हम घूस बि डिफरेंटली दींदा अर घूस बि डिफरेंटली लीन्दां।  झूट बुलणु हों तो डा रमेश पोखरियाल जी तैं पुछि ल्यावो।  शेर सिंग डागर मा अवश्य ही झूठा प्रमाण पत्र होला।
झूठिस्तान का पत्रकार -पर वीडिओ टेप से तो सिद्ध हूणु च कि भाजपा हॉर्स ट्रेडिंग करणी च। 

भाजपा अधिकारी -सरासर झूट। हम हॉर्स ट्रेडिंग मा विश्वास हि नि करदां।
झूठिस्तान का पत्रकार -आप इथगा विश्वास से कनकै बोलि सकदां ?

भाजपा अधिकारी -किलैकि हम हॉर्स ट्रेडिंग ना डंकी ट्रेडिंग करदां।
झूठिस्तान का पत्रकार -डंकी ट्रेडिंग ?

भाजपा अधिकारी -हाँ जु विधायक या सांसद बिकाऊ ह्वाऊ वु डंकी याने गधा ही तो च। 

(Faking News Agency से साभार ) 

Copyright@  Bhishma Kukreti 9 /9/ 2014       
*लेख में  घटनाएँ ,  स्थान व नाम काल्पनिक हैं । लेख  की कथाएँ , चरित्र व्यंग्य रचने  हेतु सर्वथा काल्पनिक है 

 
Garhwali Humor in Garhwali Language, Himalayan Satire in Garhwali Language , Uttarakhandi Wit in Garhwali Language , North Indian Spoof in Garhwali Language , Regional Language Lampoon in Garhwali Language , Ridicule in Garhwali Language  , Mockery in Garhwali Language, Send-up in Garhwali Language, Disdain in Garhwali Language, Hilarity in Garhwali Language, Cheerfulness in Garhwali Language; Garhwali Humor in Garhwali Language from Pauri Garhwal; Himalayan Satire in Garhwali Language from Rudraprayag Garhwal; Uttarakhandi Wit in Garhwali Language from Chamoli Garhwal; North Indian Spoof in Garhwali Language from Tehri Garhwal; , Regional Language Lampoon in Garhwali Language from Uttarkashi Garhwal; Ridicule in Garhwali Language from Bhabhar Garhwal; Mockery  in Garhwali Language from Lansdowne Garhwal; Hilarity in Garhwali Language from Kotdwara Garhwal; Cheerfulness in Garhwali Language from Haridwar;