उत्तराखंडी ई-पत्रिका की गतिविधियाँ ई-मेल पर

Enter your email address:

Delivered by FeedBurner

उत्तराखंडी ई-पत्रिका

उत्तराखंडी ई-पत्रिका

Tuesday, August 26, 2014

कुछ इनै उनै बटें कट्ठा कर्यां विचार अर धारणा

घपरोळया , हंसोड्या , चुनगेर ,चबोड़्या -चखन्यौर्या -भीष्म कुकरेती      
                     
(s =आधी अ  = अ , क , का , की ,  आदि )

  ऐतवारौ कुण म्यार मन मा कुछ बिंडी इ विचार आंदन।  
अब जन कि नरेंद्र मोदीन शौचालय पर बहस छिड़वै दे त सब जगह शौचालय की छ्वीं लगणा छन।  
हमन बि गांव मा एक सँजैत शौचालय बणाइ।  किन्तु चाची वै शौचालय तैं साल भर मा एक दैं बि प्रयोग नि करदि।  चचिक बुलण च बल रोज झाड़ा करिक शौचालय गंदु ह्वे जांद।  फिर झाड़ा करण मा बल जु मजा गदन आंद उ मजा शौचालय मा नि आंद। 
कलावती बोडि कुण बि भैजिन ट्वाइलेट बणयुं च अर बोडिन वै ट्वाइलेट पुटुक लखड़ धर्यां छन। बोडिक  बुलण च बल ट्वाइलेट की गंध बर्दास्त नि हूँदि। 
प्रधान जीन एक सार्वजानिक शौचालय बि बणवयूं  च किंतु पाणी व्यवस्था करद बिसरी गेन त वु शौचालय बणदि बांज पौड़ी गे। 
अब जन कि नरेंद्र मोदी बुलणा छन कि बिजली बचाओ अर देशभक्त बणो  त परिवार वाळु बुलण पर मि रात ना त पौड़ सकुद ना इ लेखि सकुद।   म्यार परिवारो बुलण च बल गढ़वाली या गढ़वाली मुतालिक लिखण -पढ़न से कुछ मिल्दु त नी च उल्टां बिजली खर्चा फोकट मा हूंद। नरेंद्र मोदिका असर म्यार परिवार पर बि पोड़ी गे। 
 इंदिरा गांधी का बाद नरेंद्र मोदी ही इन प्रधानमंत्री ह्वे जैक बुल्युं पर लोग ध्यान दीणा छन।  जगा जगा 100 स्मार्ट सिटी की बात हुणि छन।  खबर  च बल राहुल गांधी बि 100 स्मार्ट सिटी की बात करणा रौंदन बल 100 स्मार्ट सिटी की शुरुवात तो कॉंग्रेसन करी छे।  व्है सकुद च राहुल गांधी सही ह्वावन।  मेरी राहुल गांधी तैं पॉलिटिकल मार्केटिंग सलाह च कि 100 स्मार्ट सिटी की बात कतै नि कारो अर 10,0000 स्मार्ट विलेज की बात कारो। 
उत्तराखंड सरकार तैं गैरसैण तैं स्मार्ट सिटी बणाण चयेंद। 
आप पार्टी तैं स्मार्ट व्यक्ति की बात करण चयेंद तो समाजवादी पार्टी तैं स्मार्ट राजनैतिक परिवारवाद की बात करण चयेंद। 
हरीश रावत जी जब तलक चीफ मिनिस्टर नि बौण छा तो बुले जांद छौ कि उत्तराखंड तैं हरीश रावत मुख्यमंत्री चयाणु च किंतु अब लोग बुलणा छन कि डा रमेश निशंक अर हरीश रावत मा कुछ बि फरक नी च बल रावत जी बि डा निशंक का तरां घोषणा ही करणा रौंदन। 
ढांगू-उदयपुर (यमकेश्वर विधानसभा क्षेत्र ) मा ए साल गदन /भळक ऐन पर हमन विधायका श्रीमती विजया बड़थ्वाल की क्वी न्यूज नि पौढ़। 



Copyright@  Bhishma Kukreti  24 /8/ 2014       
*लेख में  घटनाएँ , स्थान व नाम काल्पनिक हैं । 


  
Garhwali Humor in Garhwali Language, Himalayan Satire in Garhwali Language , Uttarakhandi Wit in Garhwali Language , North Indian Spoof in Garhwali Language , Regional Language Lampoon in Garhwali Language , Ridicule in Garhwali Language  , Mockery in Garhwali Language, Send-up in Garhwali Language, Disdain in Garhwali Language, Hilarity in Garhwali Language, Cheerfulness in Garhwali Language; Garhwali Humor in Garhwali Language from Pauri Garhwal; Himalayan Satire in Garhwali Language from Rudraprayag Garhwal; Uttarakhandi Wit in Garhwali Language from Chamoli Garhwal; North Indian Spoof in Garhwali Language from Tehri Garhwal; , Regional Language Lampoon in Garhwali Language from Uttarkashi Garhwal; Ridicule in Garhwali Language from Bhabhar Garhwal; Mockery  in Garhwali Language from Lansdowne Garhwal; Hilarity in Garhwali Language from Kotdwara Garhwal; Cheerfulness in Garhwali Language from Haridwar;

No comments:

Post a Comment

आपका बहुत बहुत धन्यवाद
Thanks for your comments