यु चुनो गजब चुनो

यु चुनो गजब चुनो ,चुनो की करदूं बात 

भ्वीं माँ पोढगी हाथी दगड़्यूं  ,बांगु ह्वेगी हाथ 

भप्पी सप्पीयूँ न जौंन ,जनता तैं भकाई 

आज तौं  तैं जनता न ,ऐनु दिखाई   

टोटगी पोड़गी  सायकिल ,झाड़ू ह्वेगी साफ 

भ्वीं  माँ पोढगी हाथी दगड़्यूं ,बांगु ह्वेगी हाथ 

यु -----

जजमान बामणे  की जौंन  ,राजनीति करी 

सीधा   सदा पाड़  माँ कनु   ,जहर भरी 

अब चितएगीच  परीक्षा जनता सयेणी ,कनकै करदी माफ़ 

भ्वीं  माँ पोढगी हाथी दगड़्यूं ,बांगु ह्वेगीपास  

यु -----

डरे डरे की जौं न बोली ,बाघ औणु च 

द्वार मोर ढक द्यावा ,मनस्वार औणु च 

बाघ की डुकुर तलु न ,पोड्गिनी तौं  पर ज्वाप् 

हथ खुटा छुटि गैनी तौं का ,मुंड माँ खारे छाप

यु -----

काला जांगा लाटा   ,सभी जीती की ऐनी 

इन लहर छै नमो की ,सबि  तरी गैनी 

अगैनै च  कड़ी परीक्षा ,कन कै होलु विकास 

अब सयेणी जनता ह्वेगी ,वोट तौंका 

 

नीता कुकरेती