Non -Salty or Salty Badi (Finger Millet Badi ) सादा या लुण्या (नमकीन ) बाड़ी

   Non -Salty or  Salty Badi (Finger Millet Badi )

(Kumaoni Food, Garhwali Food, Ethnic Food of Uttarakhand , Himalayan Food, Garhwali Cuisine, Kumaoni Cuisine, Garhwali cookery, Kumaoni cookery, Garhwali food preparation, Kumaoni food preparation, Garhwali food preparation, Ethnic food from Kumaon, Ethnic food from Garhwal ,)


                                    सर्यूळ   - भीष्म कुकरेती 

(क्वाद /क्वादु /कोदो (Finger Mille, Eleusine coracana) का बारा मा कुछ वैज्ञानिक बुल्दन बल कोदु क जन्मा हिन्दुस्तान मा इ होय त कुछ बुल्दन असल मा कोदु का जन्म अफ्रीका मा ह्वे छौ अर फिर भारत ऐ।  कोदु एक अति पोषक तत्वयुक्त अनाज च जैमा कैल्सियम , लोहा, फाइबर , कार्बोहाइड्रेट्स, एमिनो एसिड्स , फाईटिक एसिड , विटामिन A , B1  , B2 B3 अर फाइबर  हूदन । ) ये अनाज मा कोलेस्ट्रौल नि हूंद ।

 गढ़वाल -कुमाऊं मा कोदु एक महत्वपूर्ण अनाज छौ अर कोदाअ भौत सा उपयोग छा । एक उपयोग छौ बाड़ी।

                                        सादा बाड़ी बणाणो विधि 

2 कप चून  (क्वादो आटु )

                                 कढ़ाई या पैन मा द्वी कप पाणि गरम  कारो अर फ़िर ये खिड़खिड़ो याने उबऴदो पाणि मा चून डाळो अर बेलण या दबळ  से तेजी से घुटद जावो कि जां से डुबक (Lumps ) नि रै जावन । तकरीबन आठ या दस मिनट तक घ्वाटो अर जब बाड़ी बणि गे त उतारि दयावो । बाड़ी दाळ , फाणु आदि मा डुबै गरमागरम खावो अर स्वस्थ रावो ।    

                                      लुण्या (नमकीन ) बाड़ी बणाणो विधि 

  सामग्री -

2 कप चून 

पाँव चमच दही (चाहो तो )

चमच भर जीरू /जख्या 

अधा चमच लाल मर्चौ चुरा 

पाव चमच हींग   

कटीं हरी मर्च   (अपण हिसाब से )

  तेल 

हौरु  धण्या 

स्वादानुसार लूण    
                     

 कढ़ाई या पैन मा द्वी कप पाणि अर दही   गरम  कारो । दही आप की मर्जी च डाळो या नि डाळो

अब गरम पाणि मा  जीरो , मर्चौ चूरा , हींग चूरा , कटीं मर्च , लूण डाळो अर  खिड़खिड़ो कारो ।     

अब गरम पाणि मा चून डाळो अर बेलण या दबळ  से तेजी से घुटद जावो कि जां से डुबक (Lumps ) नि रै जावन । तकरीबन आठ या दस मिनट तक घ्वाटो अर जब बाड़ी बणि गे त उतारि दयावो । तेल-जीरो या जख्या   कु छौंका द्यावो । गरमा गरम खावो ।

Reference for Nutrients in Kodo/Finger Millet-

Pragya Singh, Rita Singh Raghuvanshi,2012, Finger Millet for Food and Nutritional  Security, African Journal of Food Science, Vo-6(4) 

Copyright@ Bhishma Kukreti 28/8/2013