गढ़वाली हास्य -व्यंग्य
सौज सौज मा गंभीर चर्चा ,छ्वीं
चबोड़्या - चखन्यौर्या: भीष्म कुकरेती (s = आधी अ )
हम कथगा बि आधुनिक ह्वे जवाँ चीजुं पर खोळ लगाण बंद नि करदां। तकिया , गद्दा, खंतुड़ , चद्दर , इख तलक कि दर्री पर बि हम खोळ लगौंदा।
कुछ साल पैल जब उत्तर भारत मा जड्डुं मा कड़ाके की ठंड पड़दि छे अर रुड्यु मा गरम हूँद छौ त लोग बाग़ जड्डुं मा अपण रेफ्रीजेरेटर अर पंखो पर खोळ चढै दींद छा निथर माख अर धूळ रेफ्रीजेरेटर अर पंखो पर बढिया चित्रकारी करी दींदा छा।
टेलीविजन अर रेडियो पर खोळ चढ़ाणो रिवाज छैं इ छौ। कार पर खोळ नि रावो तो कार बेकार दिख्याँदि अर लोग कार वळs मखौल उड़ान्दन ।
असल मा हम ना तो नंगी रौण चांदवाँ ना ही कै तैं नंगी दिखण चांदा। अब तुम बि जरा स्विलकुड़ो बच्चा दिखणो मैटरनिटी हॉस्पिटल जावो त एक दिनौ बच्चा तैं बनि बनि कपड़ा मा दिखल्या। पैसा वाळ ब्वे तो बार बार बुलणि रौंद कि हमन त बच्चा कपड़ा अमेरिका या पेरिस बिटेन मंगैन अब त स्विलकुड़ो बच्चा कपड़ा बि स्टेटस स्टेटमेंट याने औकात दिखाणो माध्यम ह्वे गेन। ब्वे अचकाल नवजात शिशु बारा मा कुछ नि बथान्दी हाँ बच्चा कपड़ों बारा मा पूरो इतिहास -भूगोल- गणत बयान करी लींदी।
कवर करण हमारी नव संस्कृतिs एक अंग ह्वे गे। नेता अपणी दागदार छवि कवर करदो त खोजी पत्रकार डिसकवर करिक नेता की कवर करीं बातो तै अनकवर करी दीन्दन। अचकाल पता लगणों च बल बोर्ड ऑफ क्रिकेट कंट्रोल क कवर तौळ सैकड़ो बात अनकवर करण लैक छन। पण बीसीसीआइ को कवर इथगा लम्बो चौड़ो अर म्वाटो च कि पत्रकारों अर सीबीआई तैं बीसीसीआइ द्वारा कवर करीं बातों तैं अनकवर करण मा सौ साल लग जाला अर तब तलक हरेक खबर कबर (खड्डा ) जोग ह्वे जालि।
अजकाल मोबाइल कवरों बड़ी मांग बढ़ी गे। भ्रष्ट नेता, अधिकारी अर व्यापारी बेशर्मी से अपण काळो, दागदार मुख खुलेआम दिखांदो पण अपण मोबाइल तै कवर चढ़ाण नि बिसरदो। आज जनान्युं मुंड-मुख-बदन अब पल्ला से कवर नि होंदन पण मोबाइल कवर करण एक आवश्यकता बणी गे।
बिचारा मोबाइल कम्पनी अपण मोबाइलो भैरो बिगरैलि बौडी बणाणो बान रिसर्च - डेवलपमेंट मा अरबों रुपया फूकी देंदी अर हम बिगरैल मोबाइल पर कवर चढैक यूँ कम्पन्यु काम पर लात मारी दींदा।
ब्याळि मीन एक स्मार्ट फोन ल्यायि अर जनि घौर औं कि पूरी बिल्डिंग मा लोग शरमाण बिसे गेन कि म्यार स्मार्ट फोन नंगी च। म्यार नंगी स्मार्ट फ़ोनों तरफ क्वी दिखणो तयार ही नि छौ .लोगुं शरम देखिक शरमाशरमी घरवळि न आदेस दे कि नंगी स्मार्ट फोन तै स्मार्ट दिखाणो बान एक स्मार्ट कवर आणि चयेंद।
मोबाइल कवर बजार जाण से पैल मीन स्वाच बल मोबाइल फोब कवरों बारा मा पता तो लगाये जाव कि कै कै किसमों सेल फोन कवर बजार मा छन!
मि ऑनलाइन सर्च मा ग्यों अर देखिक चकरै ग्यों। सैकड़ो किसमों मोबाइल कवर बजार मा उपलब्ध छन।
पेल तो यो ही निर्णय लीण पोड़द कि मोबाइल कवर लतपुतो/सॉफ्ट हूण चयेंद कि कड़क/ हार्ड? मैटल , प्लास्टिक , लेदर जैकेट मा बि हजारों वेराइटी!
खौंऴयाणै बात या च कि भौत सा मोबाइल कवर त एल्युमीनियम का बि छन। ये मेरि ब्वे! मोबाइल धातु से हि बणदो त फिर मेटैलिक कवर की क्या जरूरत? ह्वे सकद च ग्राहकों तैं मोबाइल कम्पन्यू मैटल पर भरवस नि होंदु होलु तो ऊंखुण मैटल मोबाईल जैकेट निर्मित ह्वे।
बच्चों मोबाइल फोब कवर गुड्डा -गुड्डियों याने टॉयज जान जादा छा क्वी मॉबाइल खोळ मिकी माउस, तो क्वी बिरळ, क्वी कुत्ता . क्वी रिक बाग़, क्वी बंदूक का आकार प्रकार माँ छया। दुनिया मा जथगा बि प्रसिद्ध खिलौणा होला उथगा ही बच्चों वास्ता मोबाइल कवर छा। इख तलक कि क्रिकेट बैट अर क्रिकेट गेंद का आकर का मोबाईल फोन कवर बि बजार मा छन।
फिर फैशन वळ मोबाइल कवरों त बुन हि क्या च। अन्तराष्ट्रीय ख्यातिप्राप्त ड्रेस डिजाइनरों हस्ताक्षर सहित मोबाइल फोन कवरों की संख्या त सैकड़ों मा होलि। अचकाल इन लगणु च रिसेसन से बचणो बान प्रसिद्ध ड्रेस डिजाइनर ड्रेस डिजाइन का काम छोडिक मोबाइल कवर डिजाइन बणाण माँ व्यस्त छन।
दुनिया माँ जथगा बि रंग बणि गेन तथगा रंगुं मोबाइल कवर उपलब्ध छन। तुमारो मनोविज्ञान का हिसाब से अलग अलग रंगों मा मोबाइल कवर उपलब्ध छन।
कुछ मोबाइल खोळ त टेप रिकॉर्डर , हवाई जाज , पाणि जहाज का शकल सूरत का बी छन।
भौत सा मोबाइल कवर त ओसामा बिन लादिन , माइकेल जैक्सन अर ओबामा का शकल मा बि उपलब्ध छन।
कथगा इ मोबाइल कवर केवल पाणि मा प्रयोग का वास्ता हि बणये गेन , आप यूं वाटर प्रूफ मोबाइल कवरों बदौलत नयांद दें फोन इस्तेमाल कौर सकदवाँ। हाँ जौमा मोरणो बि समय नि ह्वावो ऊंकुण यू वाटर प्रूफ मोबाइल कवर काम को च।
कई मोबाइल कवर जनान्युं वैनिटी बौक्स , पर्स से भि जादा उपयोगी छा। कुछ मोबाइल कवरूं पुटुक मोबाइल का अलावा आप टिफिन बौक्स बि धरि सकदवाँ।
भौत सा मोबाइल कवर भारतम आतंकवादी हमला, नक्सलवादी हमला अर परिवारम एक हैंक पर हमला से बचणो बाण बि बणये गेन। यूँ मोबाइल कवरों गारेंटी च बल तुम भारतम आतंकवादी अर नक्सलवादी हमलों से भले ही मोरि जैल्या तुमर मोबाइल को इक अंस बि नुकसान नि होलु
औकात दिखाणो बान बि सैकडों मोबाइल कवर ओनलाइन मार्केट मा छन। औकात दिखाणो बान मोबाइल कवरों दाम से त लगद भारत मा गरीबी छैं इ नी च बलकणम अमीरी ही एक बड़ी समस्या च।
सबि मोबाइल कवरों मा एक समानता च कि क्वी बि मोबाइल कवर भारत मा निर्मित नी च।
हजारों मोबाईल कवरूं बारा मा जानकारी से मि रंगतै ग्यों, कनफ्यूज ह्वे ग्यों अर अब मि एक मोबाइल कवर सलाहकार का पास सलाह लीणो जाणु छौं जू बताल कि मेकुन सही मोबाइल कवर क्वा च ।
सौज सौज मा मजाक मसखरी
हौंस,चबोड़,चखन्यौ सौज सौज मा गंभीर चर्चा ,छ्वीं
चबोड़्या - चखन्यौर्या: भीष्म कुकरेती (s = आधी अ )
हम कथगा बि आधुनिक ह्वे जवाँ चीजुं पर खोळ लगाण बंद नि करदां। तकिया , गद्दा, खंतुड़ , चद्दर , इख तलक कि दर्री पर बि हम खोळ लगौंदा।
कुछ साल पैल जब उत्तर भारत मा जड्डुं मा कड़ाके की ठंड पड़दि छे अर रुड्यु मा गरम हूँद छौ त लोग बाग़ जड्डुं मा अपण रेफ्रीजेरेटर अर पंखो पर खोळ चढै दींद छा निथर माख अर धूळ रेफ्रीजेरेटर अर पंखो पर बढिया चित्रकारी करी दींदा छा।
टेलीविजन अर रेडियो पर खोळ चढ़ाणो रिवाज छैं इ छौ। कार पर खोळ नि रावो तो कार बेकार दिख्याँदि अर लोग कार वळs मखौल उड़ान्दन ।
असल मा हम ना तो नंगी रौण चांदवाँ ना ही कै तैं नंगी दिखण चांदा। अब तुम बि जरा स्विलकुड़ो बच्चा दिखणो मैटरनिटी हॉस्पिटल जावो त एक दिनौ बच्चा तैं बनि बनि कपड़ा मा दिखल्या। पैसा वाळ ब्वे तो बार बार बुलणि रौंद कि हमन त बच्चा कपड़ा अमेरिका या पेरिस बिटेन मंगैन अब त स्विलकुड़ो बच्चा कपड़ा बि स्टेटस स्टेटमेंट याने औकात दिखाणो माध्यम ह्वे गेन। ब्वे अचकाल नवजात शिशु बारा मा कुछ नि बथान्दी हाँ बच्चा कपड़ों बारा मा पूरो इतिहास -भूगोल- गणत बयान करी लींदी।
कवर करण हमारी नव संस्कृतिs एक अंग ह्वे गे। नेता अपणी दागदार छवि कवर करदो त खोजी पत्रकार डिसकवर करिक नेता की कवर करीं बातो तै अनकवर करी दीन्दन। अचकाल पता लगणों च बल बोर्ड ऑफ क्रिकेट कंट्रोल क कवर तौळ सैकड़ो बात अनकवर करण लैक छन। पण बीसीसीआइ को कवर इथगा लम्बो चौड़ो अर म्वाटो च कि पत्रकारों अर सीबीआई तैं बीसीसीआइ द्वारा कवर करीं बातों तैं अनकवर करण मा सौ साल लग जाला अर तब तलक हरेक खबर कबर (खड्डा ) जोग ह्वे जालि।
अजकाल मोबाइल कवरों बड़ी मांग बढ़ी गे। भ्रष्ट नेता, अधिकारी अर व्यापारी बेशर्मी से अपण काळो, दागदार मुख खुलेआम दिखांदो पण अपण मोबाइल तै कवर चढ़ाण नि बिसरदो। आज जनान्युं मुंड-मुख-बदन अब पल्ला से कवर नि होंदन पण मोबाइल कवर करण एक आवश्यकता बणी गे।
बिचारा मोबाइल कम्पनी अपण मोबाइलो भैरो बिगरैलि बौडी बणाणो बान रिसर्च - डेवलपमेंट मा अरबों रुपया फूकी देंदी अर हम बिगरैल मोबाइल पर कवर चढैक यूँ कम्पन्यु काम पर लात मारी दींदा।
ब्याळि मीन एक स्मार्ट फोन ल्यायि अर जनि घौर औं कि पूरी बिल्डिंग मा लोग शरमाण बिसे गेन कि म्यार स्मार्ट फोन नंगी च। म्यार नंगी स्मार्ट फ़ोनों तरफ क्वी दिखणो तयार ही नि छौ .लोगुं शरम देखिक शरमाशरमी घरवळि न आदेस दे कि नंगी स्मार्ट फोन तै स्मार्ट दिखाणो बान एक स्मार्ट कवर आणि चयेंद।
मोबाइल कवर बजार जाण से पैल मीन स्वाच बल मोबाइल फोब कवरों बारा मा पता तो लगाये जाव कि कै कै किसमों सेल फोन कवर बजार मा छन!
मि ऑनलाइन सर्च मा ग्यों अर देखिक चकरै ग्यों। सैकड़ो किसमों मोबाइल कवर बजार मा उपलब्ध छन।
पेल तो यो ही निर्णय लीण पोड़द कि मोबाइल कवर लतपुतो/सॉफ्ट हूण चयेंद कि कड़क/ हार्ड? मैटल , प्लास्टिक , लेदर जैकेट मा बि हजारों वेराइटी!
खौंऴयाणै बात या च कि भौत सा मोबाइल कवर त एल्युमीनियम का बि छन। ये मेरि ब्वे! मोबाइल धातु से हि बणदो त फिर मेटैलिक कवर की क्या जरूरत? ह्वे सकद च ग्राहकों तैं मोबाइल कम्पन्यू मैटल पर भरवस नि होंदु होलु तो ऊंखुण मैटल मोबाईल जैकेट निर्मित ह्वे।
बच्चों मोबाइल फोब कवर गुड्डा -गुड्डियों याने टॉयज जान जादा छा क्वी मॉबाइल खोळ मिकी माउस, तो क्वी बिरळ, क्वी कुत्ता . क्वी रिक बाग़, क्वी बंदूक का आकार प्रकार माँ छया। दुनिया मा जथगा बि प्रसिद्ध खिलौणा होला उथगा ही बच्चों वास्ता मोबाइल कवर छा। इख तलक कि क्रिकेट बैट अर क्रिकेट गेंद का आकर का मोबाईल फोन कवर बि बजार मा छन।
फिर फैशन वळ मोबाइल कवरों त बुन हि क्या च। अन्तराष्ट्रीय ख्यातिप्राप्त ड्रेस डिजाइनरों हस्ताक्षर सहित मोबाइल फोन कवरों की संख्या त सैकड़ों मा होलि। अचकाल इन लगणु च रिसेसन से बचणो बान प्रसिद्ध ड्रेस डिजाइनर ड्रेस डिजाइन का काम छोडिक मोबाइल कवर डिजाइन बणाण माँ व्यस्त छन।
दुनिया माँ जथगा बि रंग बणि गेन तथगा रंगुं मोबाइल कवर उपलब्ध छन। तुमारो मनोविज्ञान का हिसाब से अलग अलग रंगों मा मोबाइल कवर उपलब्ध छन।
कुछ मोबाइल खोळ त टेप रिकॉर्डर , हवाई जाज , पाणि जहाज का शकल सूरत का बी छन।
भौत सा मोबाइल कवर त ओसामा बिन लादिन , माइकेल जैक्सन अर ओबामा का शकल मा बि उपलब्ध छन।
कथगा इ मोबाइल कवर केवल पाणि मा प्रयोग का वास्ता हि बणये गेन , आप यूं वाटर प्रूफ मोबाइल कवरों बदौलत नयांद दें फोन इस्तेमाल कौर सकदवाँ। हाँ जौमा मोरणो बि समय नि ह्वावो ऊंकुण यू वाटर प्रूफ मोबाइल कवर काम को च।
कई मोबाइल कवर जनान्युं वैनिटी बौक्स , पर्स से भि जादा उपयोगी छा। कुछ मोबाइल कवरूं पुटुक मोबाइल का अलावा आप टिफिन बौक्स बि धरि सकदवाँ।
भौत सा मोबाइल कवर भारतम आतंकवादी हमला, नक्सलवादी हमला अर परिवारम एक हैंक पर हमला से बचणो बाण बि बणये गेन। यूँ मोबाइल कवरों गारेंटी च बल तुम भारतम आतंकवादी अर नक्सलवादी हमलों से भले ही मोरि जैल्या तुमर मोबाइल को इक अंस बि नुकसान नि होलु
औकात दिखाणो बान बि सैकडों मोबाइल कवर ओनलाइन मार्केट मा छन। औकात दिखाणो बान मोबाइल कवरों दाम से त लगद भारत मा गरीबी छैं इ नी च बलकणम अमीरी ही एक बड़ी समस्या च।
सबि मोबाइल कवरों मा एक समानता च कि क्वी बि मोबाइल कवर भारत मा निर्मित नी च।
हजारों मोबाईल कवरूं बारा मा जानकारी से मि रंगतै ग्यों, कनफ्यूज ह्वे ग्यों अर अब मि एक मोबाइल कवर सलाहकार का पास सलाह लीणो जाणु छौं जू बताल कि मेकुन सही मोबाइल कवर क्वा च ।
Copyright @ Bhishma Kukreti 7/06/2013
(लेख सर्वथा काल्पनिक है )
(लेख सर्वथा काल्पनिक है )
No comments:
Post a Comment
आपका बहुत बहुत धन्यवाद
Thanks for your comments