उत्तराखंडी ई-पत्रिका की गतिविधियाँ ई-मेल पर

Enter your email address:

Delivered by FeedBurner

उत्तराखंडी ई-पत्रिका

उत्तराखंडी ई-पत्रिका

Monday, September 10, 2012

हे निर्मोही


कवि: पूरण पन्त पथिक
                            
                             हे निर्मोही /
                              तू कख अलोप ह्वैगे /
                              त्त्वैन मेरो खंडेला लफाई/
                              मी पर अंग्वाळ  बोटी -
                              छड्येंनै कोशिश कन्नू रौं मी /
                              हे रांडा छवारा/
                              मेरा अण छुयाँ  हाथ पकड़ी कै/
                              त्त्वैन मेरी भुक्की पे /
                              मेरी कुंगळि  जिकुड़ी मां/
                               धधकार मचैदे/  तू कख लापता  ह्वैगे /
                               जोगी ह्वैगे?
                              मेरी धमेली थामी कै /मलासिकै/ मी जुट्ठे द्यूं त्त्वैन /
                              कनी गीज पोडिगे छै त्वे तैं हैं /
                              झम्झ्यात कैरिगे  /
                              मेरी मवासी घाम लगैकी/ भ्याळुन्द लमडैकि /
                              कख ह्वै तेरी पछिंडी/
                               मेरी चौन्ट्ठी का तिल /गल्वाड्यू  का पिल परैं/
                               दाग लगें त्त्वैन /चकर्चाल /भत्त्याभंग कैरिग्ये तू /
                               चान्ठों पर बन्नांग लगैकी /
                               हर्चिग्ये /कख चक्च्येगे /तू कनो खल्चत्त रै/
                                कख ह्वै तेरो निपल्टो /
                               खबेश ता नि बणिगे /
                               हे निर्मोही/

               @पूरण पन्त पथिक देहरादून 

No comments:

Post a Comment

आपका बहुत बहुत धन्यवाद
Thanks for your comments