जिया कु काळ यु बसगाळ

जिया कु काळ
यु बसगाळ 
बादलोँ कु गडगडाट
पाणि कु तरपराट
जगा-जगा मा चूंदी भितरी
वींकु कडकडाट 
कूड़ी का देखि कै हाल 
मेरा गैरहाल 
जिया कु काळ
यु बसगाळ 

सर्र-सर्र औंदी कुयेड़ी 
झर-झर झरदो पाणि 
टूटीं छतुळी
भीजिगे ट्वपली कु छोर
कुर्ता कु कोर 
बाटों मा जमीं सिंवाल
चरि तरफ उजाड़-बिजाड़
कखि गौं उजड़ना
मन्खी ज्यूंदी दबिणा
हाल बदहाल 
जिया कु काळ
यु बसगाळ

  डॉ नरेन्द्र गौनियाल ..सर्वाधिकार सुरक्षित ..narendragauniyal@gmail.com