भकरभांड म्यर पहाड़

पहाड़ मा 
रोज 
औंस ही औंस 
भजणे रौंस
जूनी कि आस 
फिर निसास 
एका पिछने हैंको 
लगी लंगातार 
यी सिलसिला 
बारम्बार 
बांजी पुंगड़ी 
उजड़दी कूड़ी
भजदा मन्खी 
भकरभांड
म्यर पहाड़. 


****पहाड़ नि आन्दु रास****

निर्भगी बस्गाळ 
चिमचुन्य पाणि 
झुन्गारू न धान
काण्ड न मास 
न कुछ हौरि धाणि
खेती कि गाणि
एक थ्वपा बरोबर आस 
गूणि बांदर 
सुंगर सौला
करणा निरास
पकोड़ी न छकोड़ी
सिर्फ 
बास ही बास
पहाड़ का लोगोँ तै ही 
पहाड़ 
नि आन्दु रास .

        डॉ नरेन्द्र गौनियाल..सर्वाधिकार सुरक्षित narendragauniyal@gmail.com