Contruibution of Dhangu Patti in Developing Modern Garhwali Literature

ढाञगु (Dhangu) पट्टिक गढवळी साहित्य मा मिळवाक

                 (Contruibution of Dhangu Patti in Developing Modern Garhwali Literature)

                  

                       भीष्म कुकरेती

गढवळी साहित्य कुठार भोरण मा ढाञगु वाळु क बड़ो जोगदान च। ढाञगु गंगा सलाण

मा तीन पट्टि छन- मल्ला ढाञगु, बिचला ढाञगु अर तल्ला ढाञगु. पूरब मा लंगूर पट्टि, उत्तरें मा गंगा छालु च,

पच्छिम मा उदयपुर पट्टि अर दक्खिण मा डबरालस्यूं .

गढवळी साहित्य भंडार भरण मा यूं साहित्यकारूं मिळवाक च

१- सदानंद कुकरेती - ग्वीलगाँ, मल्ला ढाञगु क भग्यान सदानंद कुकरेती जी न आधनिक गढवळी की पैलि

कथा ' गढ़वाळी ठाट' लेखी छौ. दगड मा सदानंद जी न गढवळी कविता बि रचीन. सदानंद जी

'विशाल कीर्ति' क सम्पादक बि रैन .

२- चक्रधर कुकरेती - ग्वील गाँ, मल्ला ढाञगु क चक्रधर कुकरेती जीक गढवळी मा कविता संग्रह छ्प्युं च.

चकधर कुकरेती जी क गढवळी गद्य मा बि खूब मिळवाक् च .

३-डा. अचला नन्द जखमोला - गटकोट गाँ , मल्ला ढाञगु क डा.अचला नन्द जखमोला प्रसिद्ध भाषाविद छन.

गढवाल सभा , देहरादून क तत्वाधान मा गढवळी , हिंदी अर अंगरेजी क वृहद् शब्दकोश का संकलन कर्ता (इकबटोळया )

अर सम्पादक डा.अचलानंद जखमोला जी इ छन. यांक अलावा डा. अचलानंद जखमोला जीक भौत सा

भाषा विज्ञान सम्बन्धी लेख गढ़वळी मा छपेणा इ रौंदन.

४- प्रेम लाल गौड़ - गैंड गाँ, तल्ला ढाञगु क प्रेम लाल गौड़ शास्त्री न गढवळी मा एक नाटक छपाई 'प्रेमेकांकी'

५- डा. चंद्रमोहन बड़थ्वाळ - क्यार गाँ, बिछ्ला ढाञगु क डा. चंद्रमोहन बड़थ्वाळ न गढवळी मा कविता छपैन .

६- भीष्म कुकरेती- जसपुर गाँ, मल्ला ढाञगु क भीष्म कुकरेती न गढवळी मा कथा, व्यंग्यलेख, व्यंग्य चित्र, नाटक, आलोचना,

इंटरव्यू , कति अनुवाद छपैन . यांक अलावा गढवळी मा क्रोसवर्ड अर पज्जलवर्ड की पवाण बि भीष्म कुकरेती न लगाई.

७- हेम चन्द्र कुकरेती - ग्वील गाँ मल्ला ढाञगु क हेम चन्द्र कुकरेती क कुछेक लेख छप्यां छन

८- रमण मोहन कुकरेती - खमण गाँ (यु गाँ पैलि मल्ला ढाञगु मा छौ) क रमण मोहन कुकरेती न

दिनेश भारद्वाज जीक दगड 'बुड्या लापता ' गढवळी नाटक ल्याख अर मुंबई मा मंचित करै.

मल्ला ढाञगु की ब्वार्युं गढवळी साहित्य मा मिळवाक

मल्ला ढाञगु की ब्वार्युं गढवळी साहित्य मा बि खूब महत्वपूर्ण मिळवाक छ

१- रजनी कुकरेती - रजनी कुकरेती क ससुराल कठुड़ बड़ा, मल्ला ढाञगु मा छ.

रजनी कुकरेती न कविता क अलावा 'गढवाली व्याकरण ' किताब बि छाप.

२- नीता कुकरेती - नीता कुकरेती क ससुराल ग्वील ,मल्ला ढाञगु मा छ . नीता कुकरेती

क नि बि ह्वाल त सौ से बिंडी कविता गढवळी मा छपी गेन .